“Ооган-Талаа” жамааттык мультимедиа борбору

Базар- Коргон району, Могол айыл аймагы

Базар-Коргон: «Айтматов жана биз»

13 Декабрь 2023 жыл 23:13
Көрүүлөрдүн саны: 126

Базар-Коргон районунда Чынгыз Айтматовдун 95 жылдыгына карата үч айлык жарыяланган. Алдын ала пландалган иш-чаралар толугу менен аткарылып, конференция, дебат, көргөзмөлөр, адабий кечелер. сынактар өткөрүлдү. Жазуучунун туулган күнү 12-декабрда райондук деңгээлде «Айтматов жана биз» аттуу жыйынтыктоочу адабий кечеси өттү

Ага райондук билим берүү бөлүмү, №6 Б.Осмонов атындагы гимназия мектебинин 5-класс окуучулары, №8 Ж.Сулайманкулов атындагы орто мектеби, №7 М.Мамбеталиев атындагы гимназия мектеби, №30 Ө.Атабекова атындагы инновациялык гимназия мектеби, №6 Б.Осмонов атындагы гимназия мектеби, №17 С.Далбаев атындагы гимназия мектеби, №9 Ж.Асанов атындагы орто мектеби, №21 С.Ташиев атындагы орто мектептеринин мугалимдери жана окуучулары катышты.

Адабий кече райондук мамлекеттик администрациясынын жыйындар залында өткөрүлүп, кечени Базар-Коргон райондук мамлекеттик администрация башчысы-аким Мирлан Карагулов, акимдин орун басары Асель Сансызбаева жана областын билим берүү бөлүмү, тил комитетинен өкүлдөр, райондук мекеме-ишканардын башчылары, мектеп жетекчилери, мугалимдер жана окуучулар катышты.

Кечени Базар-Коргон райондук администрациясынын башчысы-аким Мирлан Карагулов ачып, залкар жазуучу жөнүндө анын чыгармачылыгы ар бир инсандын журөгүндө өзүнүн орду бар экенин баса белгиледи.

Андан соң КР Президентине караштуу мамлекеттик тил жана тил саясаты боюнча улуттук комиссиясынын Жалал-Абад облусу боюнча өкүлү Элмира Борукулова сөз сүйлөп өз сөзүндө Чынгыз Айтматовдун 95 жылдыгына карата иш-чараларга токтолуп, райондо тил боюнча мыкты иштерди алып барганы үчүн Жаркын Маматованы төш белгиси менен сыйлады.

Кечеде райондук мамлекеттик администрациясынын башчысы-акимдин орун басары Асель Сансызбаева: «Чынгыз Айтматовдун  чыгармалары реалдуу жашоону чагылдырып, махабат, сүйүү, ошол кездеги элдин турмушун чагылдырган таасирдүү повесттер ар окуган сайын ар түрдүү ойлорду жараткан чыгармалары эч качан өчпөйт жана кылымдаар бою жашай берет»- деди.

Адабий кече чоң эненин жомогу, Чынгыз Айтматовдун чыгармаларын неберелерине айтып берген баяны менен жазуучунун бир нече чыгармасы мугалимдер жана окуучулар тарабынан аткарылды. Чоң эненин ролун аткарган Базар-Коргон райондук билим берүү бөлүнүн кабинеттер башчысы Жаркын Маматова ар бир чыгарманын канчалык маанилүүлүгүн жаш муундарга сөз менен. аткарылган чыгармалар менен айтып берди.

№8 Ж.Сулайманкулов орто мектебинин мугалимдери “Бугу эне” чыгармасынан үзүндү аткарышты

№7 М.Мамбеталиев гимназия мектеби “Биринчи мугалим” повестинен үзүндү аткарышты

№30 Атабекова инновациялык гимназия мектеби “Деңиз бойлой жорткон Ала-Добөт” повестинен көрүнүш

 

№6 Б.Осмонов гимназия мектебинин мугалимдери “Кыямат” романынан үзүндү аткарышты

№17 С.Далбаев гимназия мектебинин мугалимдери “Кылым карытар бир күн” романын аткарышты

 

№9 Ж.Асанов орто мектебинин мугалимдери “Делбирим” повестин аткарышты

 

Базар-Коргон райондук маданият үйүнүн кызматкерлери Толгонай менен жер эненин монологун көрсөтүшүту

Иш-чарага Айтматовдун чыгармаларын даярдап келген жети мектептин жетекчилерине Райондук администрациясынын, билим берүү бөлүмүнүн ошондой эле профсоюз уюмунун ардак грамоталары менен сыйланышып, аталган жети мектептин 14 мугалимдери профсоюз уюму тарабынан Ыссык-Көлгө жолдомо алышты.

«Бүгүнкү иш-чара аябай чоң деңгээлде өттү. Биздей жаш мугалимдер алчуу көп маалыматтар болду. Бирден окуучу алып келдик эле. Окуучум да аябай таасирленди»-деди №49 У.Сыдыков атындагы орто мектебинин жаш мугалими Суусара Аттокурова.

№17 С.Далбаев атындагы гимназия мектебинин жетекчиси Давлет Омурзакова бизге «Кылым каарытар бир күн» чыгармасы бөлүнгөн. Бир ай аралыгында талыкпаган эмгегибиздин натыйжасын бүгүн жалпы катышуучуларга көрсөтө алдык. Окуучуларыбыз да аябай жакшы аткарышты. Өзгөчө Бегимайдын ролун аткарган Тахмина Суёркулова элдин көзунө жаш алганга чейин өз каарманын чагылдырып бере алды. Мындан сырткары мугалимдерден Жаңыл Борбуева, окуучуларыбыз Бекдияр Абдыразаков, Эмил Байышбеков, Элдар Сатимкулов, Нуржигит Акматалиевдер ролдорду сонун аткарышты. Көрүүчулөрдүн арасынан кийин ар түрдүү каалоо тилектер, ойлор, таасирлер айтылды. Албетте мындай кайтарым байланыштарды угуу биз үчүн сыймык болду. Негизи бүгүнкү иш чара аябай таасирдүү, кызыктуу, ар тараптуу болду. Уюштуруучуларга ыраазычылык билдиремин.

Адабий кечеге балдар бакчалары, мектептер өздөрүнүн көргөзмөсүн да коюшту. Анда жазуучунун каармандары чагылдырганын көрсөк болот.

Гулназ Камбарали кызы