“Ооган-Талаа” жамааттык мультимедиа борбору
Базар- Коргон району, Могол айыл аймагы
Могол айыл өкмөтүндөгү «Могол демилгелүү жаштар» тобу активдүү мектеп окуучулары үчүн квест оюнун уюштурду
Квест оюну токойдо өттү
Квест оюн Дашман коругунун токоюнда өттү. Оюнга Сатыбалды Далбаев атындагы гимназия мектебинде уюштурулган «Дебат» клубунан 15, Ооган-Талаа жамааттык мультимедиа борборунан 25 ыктыярчы катышты.
Эржан Анаркуловдун тобу
Квест оюн эки топко бөлүнүп, биринчи тобун Эржан Анаркулов, ал эми экинчи тобун Тимурлан Мелисбековдордун башчылыгы астында өттү.
Тимурлан Мелисбековдун тобу
Оюн учуру
Токойдо багыттоочу ар түрдүү логикалык суроолор жазылган кагаздарды бекитип, улам тапкан табышмак, кийинки табышмакты табууга жана анын кайсыл жерде жашырылганын табууга багыт берет.
«Пранк» аталышында багыттан адаштыруу
Табышмакты таап, кийинки суроонун жашырылган жерин издеп жүргөн учур
Оюнда тамаша жазылган кагаздар оюнчуларды адаштырып, аларды бир топ түйшүккө салды.
Табышмактарды дарактардын бүтактарына жашырып жаткан кезде
Логикалык тапшырмаларды жазуу учуру
«Негизи мен оюн кандай боло турганын билбей эле баргам. Бирок квест башталгандан тартып, акырына чейин кызыктуу болгондуктан 4 саат убакыттын кантип өтүп кеткенин байкабадым»-деди квестин катышуучусу Сабина Кылычбекова.
Квест оюндун кызыктуу жеринде
Дарактан табышмак издегендер
Квест оюнун мурун бизге ЖашТур долбоору тарабынан Гулсана Абытова, Мекен Маматкулов жана Регина Гатулина үйрөткөн. Ошондон бери ойноп келебиз. IDEA_CA тарабынан Кочкор-Ата шаарында уюштурулган семинарда да квест ойногонбуз. Экөөнүн айырмачылыгы чоң. Оюндун эрежелер, өтүлүүчү жайлардан айырмаланат»-деп билдирди Ширин Маратбекова.
Аймээрим Саитжанова табышмакты жазуу учуру
Бою 2.10см Элзар Сатимкулов үчүн даракка чыгуунун кажети жок
Аяна Расулова Ооган-Талаа жамааттык мультимедиа борборунун ыктыярчысы:
«Мен квест десе түшүнбөдүм. Бирок оюндун жүрүшүндө түшүнүп, аябай кызыктуу болду. Логикалык тапшырмалар жазылып, аларды тапканда көп нерсени билдим».
«Аянанын кыялы» тасмасындагы башкы ролду ойногон Аяна Расулова
Токойдо бир аз оор болду
Асема Токтосунова: Мен үчүн аябай кыйын болду. Анткени токойдун аянты чоң болгондуктан, убакытка жетишип калалы деп чуркап ойнодук. Оюнду уюштурган менторубуз Гүлназ Камбарали кызына жана биздин идеябызды колдоого алган IDEA_CA долбооруна ыраазычылык билдирем.
Сүрөттөр менен берилген тапшырма
Квест оюнунан кийин «Дебат» клубунун мүчөлөрү ачык асманда дебат өткөрөлү деген сүнушу менен токойдо дебат болду.
Дебат клубунун мүчөсү Темирлан Божуев
Тимурлан Мелисбеков сот болуп, катышуучулардын оюнун таразалады
Кыздар дебатта артыкчылыгын көрсөттү
Оюн арасында тыныгууда теннис ойногону да жетишишти
Берилген теманы талкуулоо кези
Квест оюндун катышуучулары
Роза Анаркулова квест тууралуу өз оюн айтып жатканда
Сонун күн аягы
Жыйынтыгында жаштар активдүү болуу үчүн бир эле коомдук иштерге активдүү болуу эле эмес, оюн аркылуу да логиканы өстүрүп, активдүүлүктү көтөрүү мүмкүн экенин далилдешти.
Квест, дебат оюндарын уюштурууда IDEA_CA долбоору колдоо көрсөттү.
Гүлназ Камбарали кызы, Арууке Арстанбекова