“Ооган-Талаа” жамааттык мультимедиа борбору
Базар- Коргон району, Могол айыл аймагы
Арстанбап айылынын так ортосундагы базарда жарманке болуп өттү.
Жарманкеге келген эл көп
Базар-Коргон районунун Арстанбап айыл өкмөтүнүн аймагында аптанын шаршемби жана жума күндөрү айыл чарба жана азык-түлүк продукцияларын өндүрүүчүлөрдүн жарменкеси уюштурулду.
Дыйкандар түз алып келип саткандыктан арзан болууда
Жарменкеде азык-түлүк жана айыл-чарба продукциялары базардан арзан баада сатылып жатат.
Эт арзан сатылып жатканын байкаса болот
Мисалга алсак базарда жылкы эти 420-450 сом болсо, жарманкеде 380 сомдон сатылды.
Өткөрүлүп жаткан иш-чарага Базар-Коргон райондук мамлекеттик администрация башчысы-аким Бакыт Козуев жана тийиштүү мекеме уюмдун жетекчилери катышып, сатылып жаткан продукциялардын баалары менен жеринде таанышты.
Күрүч сапатына карап бааланууда
Ооган-Талаа айылынын тургуну Сабира Ражапова:
Мен бүгүн жарманкени билбей эле базарга келдим эле. Бул жака келип, жарманке жөнүндө угуп, бааларын салыштырып көрдүм. Чынында базар баасынан арзан. Үйгө азы-түлүк алдым. Уюштуруучуларга рахмат. Элди ойлоп, жарманке өткөрүшүп, жардам берип жатышат. Мындай иш чаралар көп болсо».
Өсүмдүк майы да базардан арзан сатылды
Гүлназ Камбаралиева