Жалал-Абад облустук клиникалык ооруканасына курулуп жаткан 100 орундуу кошумча имарат ноябрь айынын аягында бүткөрүлөт.

Азыркы учурда эки блокто салынган имараттын 50 пайыздан ашуун жумуштары аяктап калды. Чатыры жабылып, биринчи кабатынын терезелери орнотулууда.

Ага кошо жер асты жана үстүндөгү коммуникациялык каражаттары да бүткөрүлүүдө. Бүгүн иш ыргагы менен облус башчысы Нурболот Мирзахмедов барып таанышып чыкты.

Жаңы имарат колдонууга берилсе областтык оорукананын буга чейин орундар жетишсиз болуп келген бет-жаак, көз, кулак жана урология бөлүмдөрү жайгашат.

Курулуш иштери 2019-жылдын июнь айында башталган. Аны «Алым-Ата» жоопкерчилиги чектелген коому аткарып, республикалык бюджеттен 77 миллион 145 миң сом акча каражаты бөлүнгөн.

Ал эми учурда Ооган- Талаа айылында оорукананын курулушу токтоп турат
Камбарали кызы Гүлназ