Жалал-Абад облусундагы Базар-Коргон районуна караштуу Могол айыл аймагында «Баатыр энелер» сыйланды. Сыйлыкты тапшыруу үчүн Базар-Коргон райондук администрациясынан акимдин орун басары Замира Адышова, Базар-Коргон райондук мамлекеттик администрациясынын социалдык секторунун башчысы Сагындык Кудайбердиев, Могол айыл аймагынын башчысы Эркин Турдукуловдор катышышты.
https://www.playbuzz.com/item/fd680596-d2bc-4210-a652-e45d8ba81872
«Биз бүгүн Могол айыл аймагына «Баатыр энелерди» сыйлоо үчүн келдик. Район боюнча «Баатыр эне» наамын 58 эне, «Даңк» наамын үч эне алып жатышат. Жер-жерлерге барып, төш белгилерин тапшырып келатабыз.»-деп билдирди Базар-Коргон райондук администрациясынын башчысынын орун басары Замира Адышова.
Могол айыл аймагынын башчысы Эркин Турдукулов «Энелер күнүнө» карата сый тамак уюштурушуп, энелерге атайын даярдалган концерттик программа көрсөтүлдү.
Даярдаган: Камбарали кызы Гүлназ, Мелисбек уулу Тимур