Кыргызстандын атын көптөгөн мамлекеттерге тааныткан Ооган-Талаа айылынын чыгаан жигити Козуев Абдыкадыр кик бокс к-1 боюнча 56 таймашка катышып, көптөгөн ийгиликтерге жетишкен.

Козуев Абдыкадыр өзүнүн өмүр баяны жана жеңиштери жөнүндө төмөнкүлөрдү билдирди.

«Мен 1990-жылы Ооган-Талаа айылында жарык дүйнөгө келгем. 13 жашымдан тартып бокска катышып жатам. Азыр кик бокс к-1 деген бокстун бир түрүнө катышып келем.

Менин биринчи машыктыруучум өзүмдүн бир тууган агам Козуев Актам. Ал агам азыр кик бокс боюнча машыктыруучу болуп иштейт. 
2010-жылы Россиянын жеңүүчүсү болдум.

2013-жылы Ган-Конг шаарына бардым. Ал жерде 1-орунду алып, финалга чыктым.

Андан кийин Белорусияда биринчи орунду алууга жетиштим.

Көп өтпөй Тайлантта болуп, ал жерден да биринчи орунду ээледим.

Өзүбүздүн борборубуз Бишкекте да алдыңкы орунду алдым.

Ата-энем биринчи катышканымды билген эмес. Баары бир кийин билип калып каршы чыгышты. Бирок кызыксан айла жок экен.

Бул оюнга катышкандан бери 56 таймашта болдум. Анын арасынан 10 таймашына жеңилип калганына жеңишке жетиштим. Бокска 13 жашымдан катышсам 17 жашымдан кик бокс к-1 дин професионалы болдум.

Эми сентябрь айында Туркиянын Стамбул шаарына дүйнө жүзүнүн жеңүүчүсүнө барып катышам.

Кыргыздын атагын дагы да алыска чыгаруу үчүн дүйнөлүк чемпионатка даярданып жатам. Кудай буйруса чемпионатта жеңишке жетем деген үмүттөмүн.»-дейт Аббыкадыр Козуев.

Автор: Чолпон Биймурзаева жана Алия Курманбекова

Клооптун журналистика мектебине катышуу үчүн сынакка.