Айыл тургунунун айтуусу боюнча Чакка Мазарга барып сыйынуу, эзелтеден бери салтка айланган. Кээде ал жерге жаш балдардын тушоосун кескени да барышат.
Базаркулова Лариса Ооган-Талаа айылынын тургуну. Сыйынучу жер жөнүндө төмөнкүлөрдү билдирди.
» Мен Чакка Мазарга жаш кезимден бери барам. Мурда ата-энем менен барсам, азыр балдарыма мектептен уруксат сурап алып барам. Адамдар бул жерге үй-бүлөсү менен келип, токоч бышырып, тамак жасап олтурушат. 2-майда сыйынуу үчүн келишсе, 5-9-май күндөрү майрамды тоскону келишет. Жылдын калган күндөрү бул жерде жаш балдардын тушоосу кесилет.
Бул жерде үңкүр бар. Ошол үңкүрдүн суусун ичип, бети-колун жуушат. Жада калса ошол суудан үйүнө алып кетишет. Элдер бул сууну даарылуу дешет.
Чакка Мазарга көптөгөн жаштар да келишет. Алар алгач үңкүргө кирип анан талаага айланганы чыгышат. Андан соң бийлөөчү жайга барып бийлешет.
Автор: Чолпон Биймурзаева